NATO Bas hatshysy shuǵyl Aýǵanstanǵa bardy
ÁBÝ-DABI. QazAqparat - NATO-nyń Bas hatshysy Iens Stoltenberg Aýǵanstanǵa jarııalanbaǵan saparmen keldi.
Kabýlǵa jasaǵan saparynyń aıasynda I.Stoltenberg AIR prezıdenti Ashraf Ǵanımen, atqarýshy bıliktiń basshysy Abdolla Abdollamen, sondaı-aq Halyqaralyq qaýipsizdikke járdemdesý kúshteri mıssııasynyń qolbasshylyǵymen kezdesti.
Kelissózderdiń qorytyndylaryn shyǵarý boıynsha ótkizilgen baspasóz máslıhatynda NATO-nyń bas hatshysy aýǵandyq kúshterdiń aǵymdaǵy jyldyń jeltoqsan aıynda Soltústik-atlant alıansynyń áskerı mıssııasy aıaqtalǵan soń elde tártip ornatý qyzmetin ózine júkteýge qabiletti ekenine senimin bildirdi.
- Bıylǵy jyldyń sońynda aýǵandyq kúshter eldegi qaýipsizdikke tolyq jaýapty bolady. Men olardyń osyǵan daıyn ekenine senimdimin, - dedi I.Stoltenberg. «Búgin men sizderdiń keıbir áskerı quramalaryńyzdy kórdim, olardyń barlyǵy meni jaqsy áserde qaldyrdy. Sizder Aýǵanstandy kún saıyn qorǵap júrgen ózderińizdegi 350 myń sarbaz ben polıtseılermen tolyqtaı maqtana alasyzdar», - dep qosyp ótti NATO ókili.
