NATO Bas hatshysy Kabýldegi lańkestikti aıyptady
BRıÝSSELЬ. Jeltoqsannyń 16-sy. QazAqparat /Erjan Ospanov/ - NATO Bas hatshysy Anders Fog Rasmýssen seısenbi kúni Kabýlde jasalǵan lańkestik áreketti aıyptady.
«Bul lańkestik áreket, sodyrlardyń kinásiz aýǵandyqtardyń ómirin tipten baǵalamaıtynyn taǵy da kórsetip otyr»,- delingen Alıans bas hatshysynyń málimdemesinde.
Qujatta sondaı-aq, qaýipsiz bolashaq ornatýǵa talpynyp otyrǵan aýǵan halqyn toqtatýǵa talpynǵan sodyrlardyń eshteńeden taıynbaı otyrǵany atap kórsetilgen. «NATO lańkestikpen kúreste aýǵan halqyna kómek kórsete bermek», - dep túıindedi Anders Fog Rasmýssen óz málimdemesin.
Buqaralyq aqparat quraldarynyń aqparattary boıynsha, jankeshti-lańkes mına qoıylǵan avtokólikti sheteldikter jıi aıaldaıtyn Ýázir Akbar Han aýdanynda ornalasqan Heetal Hotel qonaqúıiniń aldynda jarǵan. Oqıǵa saldarynan bes beıbit turyn opat bolyp, 30-dan astam adam jaralanǵan.
