NATO Bas hatshysy Ankaradaǵy lańkestik aktini aıyptady
BRıÝSSELЬ. 21 qyrkúıek. QazAqparat /Dımash Syzdyqov/ - NATO Bas hatshysy Anders Fog Rasmýssen seısenbi kúni Ankarada úsh adam qaza bolyp, 30-dan astam adam jaralanǵan lańkestik aktini aıyptady.
«NATO atynan Ankaranyń ortalyǵynda bomba jarylyp. onyń saldarynan birneshe adam qazaǵa ushyrap, kóptegen adam jaraqattanǵan lańkestik aktini úzildi-kesildi aıyptaımyn. Men qaza bolǵandardyń otbasylary men jaqyndaryna shynaıy kóńil aıtamyn jáne zardap shekkenderdiń tezirek saýyǵýyna tilektestigimdi bildiremin», - dedi A.Rasmýssen.
Soltústikatlantıkalyq alıanstyń basshysy "mundaı jantúrshilerlik shabýyldy aqtaý múmkin emes" dep atap ótti jáne "NATO-nyń odaqtastary lańkestikpen kúreste birtutas ekendigin" atap kórsetti.
Budan buryn QazAqparat habarlaǵandaı, jarylys seıseni kúni túske taman túrik astanasynyń Qyzylaı aýdanynda bolyp, sońy órtke ulasqan. Oqıǵa mańyna qoıylǵan birneshe avtomobıl janyp ketti. Alaıda jalyn tez aýyzdyqtaldy. Kórshiles ǵımarattarda jarylys tolqyny áınekterdi syndyrdy.
Quqyq qorǵaý organdary sol boıda jarylysqa qatysy bar adamdardy izdestirý operatsııasyn bastady. Birneshe saǵattardan keıin úsh adam ustaldy, onyń ishinde bir áıel bar. Olar Ankaranyń qaýipsizdik basqarmasyna tergeýge jáne lańkestikke qatysyn tekserýge jetkizildi.
