NATO Bas hatshysy Alıans múshelerin qorǵanys shyǵystaryn aqylǵa salyp qysqartýǵa shaqyrdy
BRıÝSSELЬ. 8 aqpan. QazAqparat /Dımash Syzdyqov/ - NATO Bas hatshysy Anders fog Rasmýssen Brıýsselde ótken baspasóz máslıhatynda Alıans múshelerin qorǵanys shyǵystaryn aqylǵa salyp qysqartýǵa shaqyryp,
qarjylandyrýdy tómendetýdiń búkil Bloktyń qaýipsizdigine qater tóndirýi yqtımal ekenin málim etti.
A.F.Rasmýssen atap kórsetkendeı, tek qana sońǵy eki jylda Eýropa elderiniń qorǵanys shyǵystary 45 mıllıard dollarǵa qysqarǵan, bul Germanııanyń jyldyq qorǵanys bıýdjetine barabar. «Eger osydan 10 jyl buryn NATO aıasyndaǵy AQSh-tyń qorǵanys shyǵysynyń úlesi 50 paıyzdyń shamasynda bolsa, búginde bul kórsetkish 75 paıyzǵa jaqyndap keledi jáne bul kórsetkish óse bermek»,- dedi Alıans Bas hatshysy.
A.F.Rasmýssenniń pikirinshe, eger eýropalyq elder bul problemany sheshpese, Eýropa elderiniń arasy ajyrap, olar álsireı bermek, sondaı-aq kári qurlyq pen AQSh-tyń arasy alystaı túspek. «Úkimetter shyǵystardy aqylǵa salyp qysqartýlary kerek, sebebi qarjylandyrýdy azaıtý bizdiń demokratııalyq qoǵamymyz ben gúldengen ekonomıkamyz arqa súıep otyrǵan qaýipsizdikke qater tóndirýi múmkin», deıdi Alıans Bas hatshysy.
