NATO Bas hatshylyǵynyń arnaıy ókili Qazaqstanda jumys saparymen bolady - SІM
ASTANA. Sáýirdiń 26-sy. QazAqparat /Rýslan Ǵabbasov/ - Sáýirdiń 27-si men 28-inde NATO Bas hatshylyǵynyń Ortalyq Azııa men Kavkaz boıynsha arnaıy ókili Robert Sımmonstyń Qazaqstanǵa jumys sapary bolady.
Bul týraly búgin Astanada ótken brıfıngte Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
«Sapar baǵdarlamasyna sáıkes Robert Sımmonstyń birqatar memlekettik organdardyń basshylyǵymen kezdesýler ótkizip, Qazaqstannyń Qoranys mınıstrligi janyndaǵy Áskerı ınstıtýttyń «Beıbitshilik úshin seriktestik» oqý ortalyǵy jumysymen tanysady»,-dedi resmı ókil. Sondaı-aq qadirli meımannyń Eýrazııalyq medıa forýmǵa qatysýy josparlanyp otyr.
