NATO Bas hatshysy AQSh-qa jospardan tys sapar jasady

ASTANA. KAZINFORM — NATO bas hatshysy Mark Rıýtte AQSh prezıdenti Donald Tramppen kezdesý úshin AQSh-qa attandy, dep habarlaıdy Kazinform. 

Bul týraly alıanstyń saıtynda habarlandy. 

— NATO Bas hatshysy Mark Rıýtte 21-22 qazanda Vashıngtonǵa barady. Ol AQSh prezıdenti Donald Tramppen kezdesedi. Baspasózpen kezdesý bolmaıdy, — dep habarlady alıanstyń baspasóz qyzmeti.

Kezdesýdiń taqyryby jarııalanǵan joq.

Bul sapar Býdapeshtte Donald Tramp pen Reseı prezıdenti Vladımır Pýtınniń yqtımal kezdesýine daıyndyq báseńdegen tusta bolyp otyr.

Buǵan deıin Tramp eki kún ishinde Býdapeshttegi Pýtınmen kezdesýine qatysty málimdeme jasamaq ekenin jazǵan edik. 

Zelenskıı Býdapeshtte Tramp pen Pýtınniń kezdesýine qatysýǵa daıyn ekenin jazdyq. 

Tramp sondaı-aq Ispanııanyń NATO-dan shyǵarylýy múmkin ekenin jarııalady.