NATO avıatsııasy soqqysynyń nátıjesinde Aýǵanstanda 5 adam qaza boldy
ASTANA. 4 sáýir. QazAqparat - NATO avıatsııasy soqqysynyń nátıjesinde Aýǵanstanda tórt polıtsııa qyzmetkeri men bir beıbit turǵyn qaza boldy. Bul týraly VVS habarlady.
Bul oqıǵa atalǵan eldiń shyǵysynda, ıaǵnı Gaznı provıntsııasynda oryn aldy. Soltústikatlantıkalyq alıansynyń ushaqtary dabyl boıynsha aspanǵa kóterilgen kórinedi.
Gaznı gýbernatory ókiliniń sózine qaraǵanda, qaza bolǵan polıtseıler azamattyq kıimde bolǵan. Osy oraıda áskerıler olardy tálibtermen shatastyryp alýy múmkin.
NATO-nyń habarlaýynsha, olar qazirgi kezde bolǵan qaıǵyly oqıǵanyń mán-jaıyn anyqtaýda.
