NATO áskerleri qatelesip toǵyz aýǵandyqty mert qyldy
ASTANA. 2 naýryz. QazAqparat - Aýǵanstandaǵy NATO áskerleri Kýnar provıntsııasyndaǵy operatsııa barysynda qatelesip, toǵyz beıbit turǵyndy mert qyldy, dep habarlady Ýtro.rý agenttigi.
Halyqaralyq kúshter qolbasshysy general Devıd Petreýs búgin bolǵan oqıǵaǵa baılanysty keshirim surady jáne qazaǵa ushyraǵandardyń týystaryna kóńil aıtty.
Aýǵandyqtar seısenbi kúni sodyrlar tobyna shabýyldaý barysynda NATO tikushaqtarynan atylǵan zymyran soqqysynan qaza boldy. Jergilikti ókimet oryndary men halyqaralyq kúshter ókilderi oqıǵanyń mán-jaıyn tekserýde.
