NATO áskerlerdi shyǵarǵannan keıin áskerı nysandardyń bir bóligin aýǵan bıligine beredi
BRıÝSSELЬ. 5 naýryz. QazAqparat - Soltústikatlantıkalyq alıans Qaýipsizdikke járdemdesý halyqaralyq kúshteriniń (QJHK) áskerlerin shyǵarǵannan keıin NATO men QJHK áskerı nysandarynyń bir bóligin aýǵan bıligine bermek.
Bul týraly Aýǵanstanǵa sapary barysynda NATO-nyń bas hatshysy Anders Fog Rasmýssen málim etti, dep habarlady Soltústikatlantıkalyq alıanstyń baspasóz qyzmetinen.
A.Rasmýssenniń aıtýynsha, QJHK-nyń áskerı ınfraqurylymynyn keıbir nysandary aýǵan tarapyna berilip úlgerdi. Bul rette Alıans basshysy atap ótkendeı, NATO men Aýǵanstan arasynda qandaı nysandar joıylýǵa jatatyndyǵyna jáne aýǵan bıýdjetine kútip ustaý boıynsha qosymsha qarjylyq qıyndyqtar týǵyzbaıtyndaı Kabýlǵa beriletin nysandarǵa qatysty kelissózder júrip jatyr.
NATO jáne QJHK kontıngentiniń burynǵy qolbasshysy, general Djon Allen buǵan deıin málim etkendeı, sheteldik áskerler ornalasqan áskerı bazalardyń ınfraqurylymyn áskerlerdi shyǵarý aldynda buzbaıdy.
