NATO Áskerı komıtetiniń jańa tóraǵasy qyzmetine danııalyq general Knýd Bertels saılandy
SEVILЬıA-BRıÝSSELЬ. 19 qyrkúıek. QazAqparat /Dımash Syzdyqov/ - Ispanııanyń Sevılıa qalasynda ótken NATO-nyń 28 múshe-memleketteri bas shtabtarynyń ekikúndik kezdesýi barysynda Soltústikatlantıkalyq alıans Áskerı komıtetiniń jańa tóraǵasy qyzmetine Danııa qarýly kúshteriniń generaly Knýd Bartels (Knud Bartels) saılandy, dep habarlady NATO baspasóz qyzmeti.
«Men úshin Áskerı komıtettiń kelesi tóraǵasy bolyp saılaný zor qurmet, men áriptesterim bas shtabtar bastyqtaryna kórsetilgen joǵary qurmet úshin alǵysymdy bildiremin. Admıral Dı Paola orasan jumys atqardy, men kelesi jyldyń jazynda ózimniń jańa qyzmetime kirisip, onyń bastamalaryn jalǵastyramyn dep senemin. Qazir men barlyq kúsh-jigerimdi búgingi tańda atqaryp jatqan qyzmetim - Danııa qorǵanys shtabynyń bastyǵy qyzmetindegi mindetterdi oryndaýǵa jumyldyryp otyrmyn», - dedi general K.Bartels.
NATO Áskerı komıtetiniń tóraǵasy Alıans bas hatshysynyń bas áskerı keńesshisi bolyp tabylady jáne úsh jyl merzimge saılanady. K.Bartels óziniń jańa mindetterin oryndaýǵa 2012 jylǵy maýsymda kirisip, bul laýazymdaǵy ıtalıan generaly Djanpaolo dı Paaolany aýystyrady. Dı Paola atap kórsetkendeı, jańa tóraǵa úshin basty yǵyttar NATO-nyń Aýǵanstandaǵy, Kosovodaǵy, Somalı jaǵalaýlaryndaǵy aǵymdaǵy operatsııalary, sondaı-aq Soltústikatlantıkalyq alıansty zaman talabyna saı ózgertý bolmaq.
