NATO 40 jyl bombylasa da, Lıvııa berilmeıdi - Kaddafıdiń uly
ASTANA. 30 sáýir. QazAqparat - Lıvııa revolıýtsııasynyń kósemi Mýammar Kaddafıdiń uly - Seıf ál-Islam búgin jasaǵan málimdemesinde, NATO eldi 40 jyl boıy bombylasa da, Lıvııanyń berilmeıtinin aıtty, dep habarlaıdy Rosbalt agenttigi.
«Lıvııany bombylaý qansha ýaqytsha sozylmasyn, meıli 40 kún, meıli 40 jyl bolsyn, biz báribir berilmeımiz», - dep málim etti ol jergilikti telearna efırinde sóılegen sózinde.
Bıliktiń pikirinshe, eldegi sońǵy oqıǵalardyń syrtynda lańkesterdiń turǵanyn aıtqan, Seıf ál-Islam, «AQSh-tyń, Lıvııaǵa áýe shabýylyn jasaýdyń ornyna, «Ál-Kaıedamen» kúresýge kómektesýi kerek ekenin» málim etti.
«Mısýrat pen Benǵazı lańkesterden azat etilgennen, keıin, jańa konstıtýtsııanyń aıasyndaǵy ulttyq bitimgershilik pen demokratııa týraly sóılesetin kez týady», - dep málim etti ol.
Esterińizge sala keteıik, buǵan deıin Mýammar Kaddafı de Lıvııa memlekettik telearnasynyń tikeleı efırinen sóz sóılep, NATO elderin bitimgershilikke shaqyrǵan bolatyn.
«Biz eshkimge shabýyl jasaǵan joqpyz, teńiz shekarasyn kesken joqpyz... nege bizge shabýyl jasap jatyr? Bizge shabýyl jasap jatqan elder, kelińizder, kelissóz júrgizeıik. Kelisimge keleıik», -dedi Kaddafı óz sózinde.
Kaddafıdiń aıtýynsha, Lıvııa ókimeti bitimge kelýge ázir, biraq ol birjaqty bolmaýy kerek. Ol sondaı-aq, problemanyń bári NATO elderiniń munaıǵa qoljetimdiligine qatysty bolsa, ol máseleni munaı kelisimsharttary boıynsha kelissóz júrgizý arqyly sheshýge bolatynyn aıtty.
«Eger NATO-men beıbit kelissóz bastalmasa, Lıvııa halqy shaıqasa beredi», - dep ýáde etti Kaddafı.
