NATO 2020 jylǵy Nobel syılyǵyna usynyldy

OSLO. QazAqparat - Norveg Parlamenti — Stortıngtiń bıleýshi Konservatıvti partııadan shyqqan depýtattary Erlend Larsen pen Horek Elvenes BAQ-qa 2020 jyly NATO-nyń áskerı-saıası blogyn Nobel syılyǵyna úmitker retinde usynǵanyn málim etti, dep habarlaıdy QazAqparat menshikti tilshisi.

Olardyń aıtýynsha, 2019 jyly NATO 75 jasqa toldy, bul Batys Eýropanyń qazirgi tarıhyndaǵy eń uzaq kezeń jáne Soltústik Atlant Alıansy osy jyldar boıy Eýropada beıbitshilikti qamtamasyz etip keledi.

Nobeldiń Beıbitshilik Komıtetiniń erejelerine sáıkes, NATO-ǵa kandıdatýra bıylǵy jylǵa ótinim berý merzimi aıaqtalǵanǵa deıin, ıaǵnı 31 qańtarǵa deıin usynyldy.

Eske sala keteıik, Norvegııa – 1949 jyly qurylǵan sátten bastap Alıansqa kirgen on eki eldiń biri. Búgingi tańda NATO-ǵa Eýropa men Soltústik Amerıkadan 29 el kiredi, al Alıanstyń bas hatshysy — 2014 jyldan bastap belgili norveg saıasatkeri, burynǵy premer-mınıstr Iens Stoltenberg.