NATO 2014 jylǵa qaraı áskerı mıssııanyń aıaqtalýyna baılanysty Tájikstanmen yntymaqtastyqty nyǵaıtýǵa úmit artady
BRıÝSSELЬ. 10 sáýir. QazAqparat - Búgin Brıýsselde Tájikstan prezıdenti Emomalı Rahmon NATO-nyń shtab-páterinde bolyp, Soltústikatlantıkalyq alıanstyń bas hatshysy Anders Fog Rasmýssenmen kezdesti.
«Biz sizden Aýǵanstan boıynsha bizdiń dıalogymyzdy tereńdetýge úmit artamyz. NATO men Tájikstan Aýǵanstandaǵy turaqtylyqqa jáne qaýipsizdikke ortaq múddeli», - dedi Soltústikatlantıkalyq blok bas hatshysy.
A.Rasmýssen Alıans 2014 jyldyń sońyna qaraı NATO-nyń áskerı mıssııasy aıaqtalýymen baılanysty Tájikstannyń budan bylaı da qoldaýyna úmit artatynyn atap ótti.
«Biz sizdiń Halyqaralyq qaýipsizdikke járdemdesý kúshterine el aýmaǵy arqyly ushýǵa jáne Dýshanbe áýejaıyn paıdalanýǵa kómek kórsetken qoldaýyńyzdy baǵalaımtsz, - dedi NATO Bas hatshysy.
Atap ótý qajet, Tájikstan Halyqaralyq qaýipsizdikke járdemdesý kúshteri mıssııasynyń tranzıti týraly kelisimge qol qoıǵan Ortalyq Azııadaǵy alǵashqy el boldy. 2010 jyly NATO men Tájikstan yntymaqtastyq pen áriptestik týraly jeke baǵdarlamaǵa qol qoıdy, ol lańkestikke qarsy kúres, áskerı bilim jáne kadrlar daıarlaý, sondaı-aq qarýly kúshterge demokratııalyq baqylaýdy qamtamasyz etýdi qosa alǵanda, ártúrli salalarda ózara is-qımylǵa negiz qalaıdy.
