Nátıjege baǵdarlanǵan statsıonarlarda emdelgen jaǵdaıda tólem jasaý tósek-oryn qoryn paıdalaný tıimdiligin arttyrdy - S.Qaıyrbekova
ANA. 23 jeltoqsan. QazAqparat /Marlan Jıembaı/ - Nátıjege baǵdarlanǵan statsıonarlarda emdelgen jaǵdaıda tólem jasaý tósek-oryn qoryn paıdalaný tıimdiligin arttyrdy.
Bul týraly búgin elordada ótken Biryńǵaı ulttyq densaýlyq saqtaý júıesin engizý qorytyndysyna jáne 2011 jylǵy mindetterge arnalǵan respýblıkalyq keńes barysynda QR Densaýlyq saqtaý mınıstri Salıdat Qaıyrbekova málim etti.
«Sońǵy nátıjege baǵdarlanǵan statsıonarlarda emdelgen jaǵdaıda tólem jasaý tósek-oryn qoryn paıdalaný tıimdiligin arttyrýǵa múmkindik berdi. Jyl qorytyndysy boıynsha 2874 tósek-oryn qysqardy, 3790-y qaıta baǵdarlandy jáne qajet etilmegen tósek-oryn 5,4 paıyzdy qurady. Bul oraıda 94,6 paıyz tósek-oryndaǵy statsıonarlyq medıtsınalyq kómek kólemi 104 paıyzdy qurady», - dedi mınıstr.
S.Qaıyrbekovanyń atap ótýinshe, sońǵy birneshe jyl serpinindegi tósek-oryn qoryn tıimdi paıdalanýdy baǵalaý aǵymdaǵy jyly Biryńǵaı ulttyq densaýlyq saqtaý júıesin engizgennen keıin ǵana onyń birshama jaqsarǵanyn kórsetip otyr.
