National Geographic Túrkistandaǵy Qoja Ahmet ıAsaýı kesenesiniń fotosýretterin jarııalady
NUR-SULTAN. QazAqparat – National Geographic jýrnalynyń paraqshasynda Túrkistandaǵy Qoja Ahmet ıAsaýı kesenesi jaıynda málimetter jarııalandy, dep habarlaıdy QazAqparat tilshisi.
«Jergilikti redaktsııa el bedeli men tanymaldyǵyn arttyrý úshin baryn sala bermek! National Geographic Qazaqstan pandemııaǵa qaramaı redaktsııa shaqyrtýyn qabyl alyp, birqatar jobalarymyzǵa at salysqan álemge áıgili fotograf – George Steinmetz-ke (@geosteinmetz) erekshe alǵys bildiredi! Jergilikti redaktsııa men ataqty fotograftyń arqasynda 142 mıllıon aýdıtorııasy bar @natgeo paraqshasynda Qazaqstan týraly kezekti sýret jaryq kórdi.
@natgeoqaz el bedeli men tanymaldyǵyn arttyratyn, otandyq týrızmniń damýyna úles qosýyna múmkindik beretin biregeı jobalarǵa óz isiniń eń úzdik sheberlerin tartý úshin baryn sala bermek!», - dep jazylǵan natgeoqaz-dyń Instagram–daǵy paraqshasynda.
Aıta keteıik , Djordj Shtaınmets óziniń jeke paraqshasynda Qazaqstan óńirlerinde túsirgen fotosýretterin de kópshilik nazaryna usyndy.
Budan buryn habarlanǵandaı, bıyl shilde aıynyń basynda National Geographic fotograftary Nur-Sultan qalasynyń sýretterimen arnaıy fotokórme uıymdastyrdy.
Sonymen qatar, National Geographic jáne New York Times jýrnaldarynyń tanymal fotografy Djordj Shtaınmets (George Steinmetz) Shymkenttiń kórikti jerlerin túsirgen bolatyn.
Sheteldik fotograf shahardyń negizgi týrıstik nysandarynyń, atap aıtqanda Eski qalashyqtaǵy «Tsıtadel» jobasy, Táýelsizdik saıabaǵy, Qoshqar ata ózeni, Báıdibek bı eskertkishi men etnoaýyl, Arbat pen Abaı saıabaǵy sekildi kórikti oryndardyń fototúsirilimin júrgizdi.
