National Geographic fotografy qazaqtyń dástúrli úılený toıyn túsirýge jas jubaılardy izdestirýde (FOTO)
ALMATY. QazAqparat - National Geographic fotografy dástúrli qazaqtyń úılený toıyn túsirýge ańsary aýyp júr. Bul oıyn Djon Steınmeıer Instagramdaǵy paraqshasynda aıtqan.
Fotograf qazir Mańǵystaý oblysynda saparlap júr. Qyzyqty reportaj úshin ol qazir jas jubaılardy izdep jatyr.
«Qazaqstandaǵy ınsta-dostar, jaqynda kim Mańǵystaý oblysynda úılený toıyn jasamaqshy? Qazaqtyń dástúrli toıyn sýretke túsirip, NatGeo tarıhyna engizgim keledi», - dedi fotograf.
Aıta ketý kerek, avtor jaqynda Aqtaý qalasyndaǵy kókparǵa daıyndalyp jatqan jigitterdi sýretke túsirip, National Geographicke jarııalaǵan bolatyn.
Bul álemdik resýrstaǵy alǵashqy sýret emes. Buǵan deıin amerıkandyq fotograf Fılıpp Toledano men ızraıldik fotograf Shaýl Shvarts NatGeo Instagramdaǵy paraqshasynda Qazaqstan týraly birneshe sýret jarııalaǵan bolatyn.
Birqatar kásibı baıqaýlardyń jeńimpazy, 2014 jylǵy World Press Photo premııasynyń ıegeri, belgili fotojýrnalıst Dj. Stenmaıer álemniń 100 elinde bolǵan. Qazir ol Pol Salopek esimdi jýrnalıstpen Qazaqstandy jaıaý aralap júr. Jolaýshynyń fotoesebin onyń jeke paraqshasynan kórýge bolady.
