National Geographic fotografy aqbókenderdi túsirý úshin Almatyǵa keldi
Djoel Sartore 20 jyldan astam ýaqyttan beri áıgili National Geographic jýralynda jumys isteıdi.
Janýarlar álemin fotosýretterge túsirip júretin maman - The National Geographic Photo Ark jobasynyń negizin qalaýshy ári jetekshisi.
«Tabıǵat qamqorshysy, janýarlardyń janashyry Djoel myrza Almatyǵa úsh kúnge ǵana jumys saparymen kelgen. Negizgi maqsaty – halyqaralyq tabıǵatty qorǵaý odaǵynyń Qyzyl kitabyna engen aqbókender men ularlardy sýretke túsirip, qujattap alý. Almaty haıýanattar baǵy álemde aqbókender ustaıtyn sanaýly zoobaqtardyń biri. Ol óz sýretterin aq-qara fonda túsiredi»,- dep habarlady Almaty zoobaǵynan.
Djoel myrza bul jumyspen 25 jyldan beri aınalysyp keledi.
Fotograftyń bul jobasy álemniń zoobaqtary men qoryqtaryndaǵy barlyq qorǵalatyn janýarlar túrlerin qujattaýǵa baǵyttalǵan.
Ol osy ýaqytqa deıin 12 000 janýar túrlerin sýretke túsirgen.
«Jaryqty paıdalaný – janýarlardyń shynaıy tústerin beredi, al – qara jáne aq fon nazaryńdy basqa jaqqa burmaı, janýarlardyń tikeleı kózine qaraýǵa múmkindik beredi», – deıdi Fotograf Djoel
Onyń sýretteri óte shynaıy jáne sapaly. Kadrdaǵy kishkentaı tyshqan da, úlken pil de jandy ári erekshe áserge bóleıdi.
Fotograf óz jumystary arqyly adamdardy janýarlardyń máselesine aıryqsha kóńil bólýge shaqyrady.
Ol 20 jyldan astam eńbek jolynda 20 000 janýardy sýretke túsirýdi josparlap otyr.
«Men sýretke túsirgen janýarlar túrleriniń kem degende 75-80% joıylyp ketýden aman qalýy múmkin. Degenmen, ol úshin adamdar olardyń bar ekenin bilýi kerek, adamdar olarǵa qamqor bolyp, súıispenshilikpen qaraýǵa tıis. Adamdar janýarlarǵa qalaı kómektese alatynyn bilýge umtylýy kerek. Eger de janýarlar joıylyp ketse, biz de joıylyp ketýimiz múmkin ekenin adamdar sezinýi tıis» – deıdi Djoel Sartóre.
Posmotret etý pýblıkatsııý v Instagram
