Natalıa Bogdanova bokstan álem chempıonatynyń jartylaı fınalyna shyqty

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Natalıa Bogdanova (70 keli) jartylaı fınalǵa ótti.

Otandasymyz 1/8 fınalda túrkııalyq Sema Chalyshkanmen qolǵap túıistirdi. Natalıa belsendi qımyldap, qarsylasyn nokdaýnǵa jiberdi. Nátıjesinde qarsylasyn 5:0 esebimen jeńdi.

Jartylaı fınaldyq jekpe-jekti Natalıa 13 qyrkúıek Shantel Reıdke (Anglııa) qarsy ótkizedi. Álem chempıonatyndaǵy alǵashqy jekpe-jeginde ol úndistandyq Sanamacha Choksomnan basym túsken edi.

Natalıa Bogdanova 1999 jyly dúnıege kelgen. Qazirge deıin álem chempıonatynda qola alsa, 2022 jyly Azııa oıyndary úzdik úshtikti túıindedi.

Qazirge deıin el quramasynan Nazym Qyzaıbaı (48 keli), Alýa Balqybekova (51 keli), Vıktorııa Grafeeva (60 keli), Mahmud Sabyrhan (55 keli), Nurbek Oralbaı (80 keli) shırek fınalǵa joldama aldy.

Endi el quramasynan Sanjar Táshkenbaı (50 keli), Bekzat Nurdáýletov (85 keli), Ertýǵan Zeınýlınov (65 keli) sharshy alańǵa shyǵady.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.