Natalıa Bogdanova Azııa oıyndary jartylaı fınalǵa ótti
ASTANA. KAZINFORM - 2026 jylǵy Azııa oıyndarynda 28 qyrkúıekte Qazaqstan quramasynan Natalıa Bogdanova (75 keli) sharshy alańǵa shyqty.
Otandasymyz 1/4 fınalda ózbekstandyq Azıza Zokırovamen qolǵap túıistirdi.
Búgin ol ózbekstandyq Azıza Zokırovany 4:1 esebimen jeńdi. Natashanyń kelesi qarsylasy - Lovlına Borgohaın (Úndistan). Jartylaı fınaldyq jekpe jek 30 qyrkúıek ótedi.
Natalıa Bogdanova 1999 jyly 28 shildede dúnıege kelgen. Qazirge deıin World Boxing aıasynda 2025 jyly álem chempıony atansa, sol jyly IBA ótkizgen álem chempıonatynda qola medalǵa qol sozdy.
Al 2022 jyly Azııa oıyndarynda úzdk úshtikten kórindi.
Sondaı-aq búgin el quramasynan Mahmud Sabyrhan (55 keli), Tórehan Sabyrhan (70 keli) jáne Nurbek Oralbaı (90 keli) sharshy alańǵa shyqty.
Aıta ketsek, el quramasynan Alýa Balqybekova (51 keli), Aıbek Oralbaı (90 keliden joǵary) jartylaı fınal joldamasyna qol jetkizdi.
Qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli) jarys jolynan shyǵyp qaldy.
Aıta ketsek, qazirge deıin el quramasynan Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
