Natalıa Bogdanova Azıadanyń qola júldesin enshiledi
ASTANA. KAZINFORM - Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda bokstan jartylaı fınaldyq jekpe-jekter ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Álem chempıony, 75 kelidegi Natalıa Bogdanova 1/2 fınalda Úndistan sportshysy Borgohaınmen aıqasty. Qos boksshy da sharshy alańnyń ortasyn bermeýge tyrysyp, 3 raýnd boıy soqqylarmen almasty. Nátıjesinde tóreshiler 2:3 esebimen jeńisti qarsylasqa berdi.
Alda áli Mahmud Sabyrhan (55 keli), Tórehan Sabyrhan (70 keli) sharshy alańǵa shyǵady.
Aıta keteıik, osyǵan deıin Alýa Balqybekova Azıadanyń qola júldesin jeńip alǵan bolatyn.
