Natalıa Godýnova ulttyq jobalardyń tıimdiligine kúmán keltirdi
«Biz bıýdjet shyǵystaryn qoıylǵan strategııalyq maqsattarǵa baılanystyrýdy sol kúıi úırene almaı qoıdyq. Saldarynan – jalpyulttyq mindetterge qol jetkizýge eshqandaı áser etpeıtin is-sharalarǵa qomaqty resýrstardy jumsadyq. Ulttyq jobalardy ázirleımiz, alaıda iske asyrylǵan ekinshi jylynda olardyń kúshin joıamyz. Barlyǵy oryndalyp jatqan sııaqty kórinedi, biraq beretin áseri kúmándi. Bir jaqtan myńdaǵan jumys orny qurylyp jatsa, ekinshi jaǵynan Eńbek mınıstrligi jumyssyzdardyń sany ósedi degen boljam aıtyp otyr. Alynatyn ekonomıkalyq áser sońyna qaldyrylǵan. Jobalyq qýatty keńeıtý jáne oǵan shyǵý úsh-bes jyldan keıin josparlanǵan. Al muny eshkim baqylamaıdy», - dedi Natalıa Godýnova.
Onyń atap ótýinshe, kóptegen joba iske asyrylyp bolǵannan keıin birden monıtorıngten alynyp tastalady.
Áserdi baǵalaýdyń jekelegen áreketteri bar, biraq bul erejeden góri aıryqsha jaǵdaı.
«Memlekettik organdardyń jumysyn baǵalaý da ońaı sharýa emes. 2022 jylǵy nysanaly ındıkatorlardyń 37 paıyzynyń statıstıkalyq derekteri áli jasalmaǵan. Al qolda baryna qarap, nátıjesin tutas aıtý múmkin emes. Eger kórsetkishter oryndalý shamasyna qarap túzetilse, al qarjylandyrý kóleminiń ózgerýi kóbine olardyń mánine áser etpese, málimdelgen jetistiktermen qalaı kelisýge bolady. Mınıstrlikter men vedomstvolardyń durys emes boljamdarynyń aýqymy emes, olardyń ádemi esepteri men durys emes statıstıkasynyń artynda jasyrylǵany alańdatady. Al Úkimet solardyń negizinde basqarýshylyq sheshimder qabyldaıdy», - dedi palata tóraǵasy.
