Natalıa Godýnova ulttyq jobalardy josparlaý salasyndaǵy kemshilikti aıtty

ASTANA. QazAqparat – Ulttyq jobalar aıasynda josparlaý salasyna áli de nazar aýdarý kerek. Bul týraly Májiliste 2022 jylǵy respýblıkalyq bıýdjettiń atqarylýyn talqylaý kezinde QR Joǵary aýdıtorlyq palatasynyń tóraǵasy Natalıa Godýnova aıtty, dep habarlaıdy QazAqparat tilshisi.

«Elimizde júzege asyrylyp jatqan 9 ulttyq jobaǵa qatysty taldaý júrgizdik. Eki jyldan beri memlekettik resýrstardy paıdalaný tıimdiligin jáne josparlaý tıimdiligin qarap shyqtyq. Bul turǵyda tıimsiz shyǵyndar josparlaý kezeńinde bolatynyn anyqtadyq», - dedi N. Godýnova.

Onyń aıtýynsha, aýdıtorlyq palata ulttyq jobalar boıynsha josparlaý kezeńderin zerttep shyqqan.

«Neni josparlaǵanyn, bólingen qarajat somasyn, qandaı nátıje bolǵanyn, qarajat qaı baǵyttarǵa jetpeı qalǵanyn qarap shyqtyq. Osy oraıda josparlaý salasyna áli de nazar aýdarý kerek degen paıymǵa keldik. Sonda ǵana biz memlekettik resýrstardy jumsaýdyń tıimdiligin arttyra alamyz. 9 ulttyq jobaǵa 8,1 trıllıon teńge bólindi. Bul rette qarjylandyrý deńgeıi 100 paıyzdan asyp otyr», - dedi Joǵary aýdıtorlyq palata basshysy.

Budan buryn habarlanǵandaı, búgin Májiliste E. Jamaýbaev byltyr Respýblıkalyq bıýdjet kiristeri 101,9% atqarylǵanyn aıtty.

Qarjy mınıstri byltyr bıýdjet qarajaty ne sebepti ıgerilmegenin túsindirdi.