Natalıa Godýnova bıýdjetti josparlaýdyń birjyldyq júıesi nege kerek ekenin aıtty

NUR-SULTAN. QazAqparat – Respýblıkalyq bıýdjettiń atqarylýyn baqylaý jónindegi Esep komıtetiniń tóraǵasy Natalıa Godýnova birjyldyq bıýdjetke qaıta oralý týraly pikirdi túsindirdi, dep habarlaıdy QazAqparat tilshisi.

Búgin QR Parlamenti palatalarynyń birlesken otyrysynan keıin tilshiler Esep komıtetiniń basshysynan birjyldyq bıýdjet josparlaý júıesine oralý usynysy týraly surady.

«Bul máseleni menen basqa da mamandar kótergen bolatyn. Birinshiden, ony bıýdjet baǵdarlamalarynyń ákimshilerimen, mınıstrliktermen, jergilikti atqarýshy organdarmen, sarapshylarmen talqylaý kerek. Úshjyldyq bıýdjet júıesi bastapqydan tıimdi jaǵynan kórinbedi. Qazirgi ýaqytta jaǵdaı qubylmaly bolyp turǵan kezde, úshjyldyq júıe formaldy sıpatta kórinip tur», - dedi N. Godýnova.

Osy oraıda ol óńirlerde, ortalyq memlekttik organdarda baǵdarma ákimshileri ekinshi jáne úshinshi jyly ıgeriletin bıýdjetti qalyptastyrýǵa, qarajatty jobalar boıynsha bólýge kóp ýaqyt jumsaıtynyn atap ótti.

«Qaıta jańǵyrtý men qurylysqa qatysty toqtalsaq, jobalaý-smetalyq qujattamasy bolmasa, Ulttyq ekonomıka men Qarjy mınıstrlikteri qujattardy qabyldamaıdy. ıAǵnı jobalaý-smetalyq qujattamasy ázirlenip, ekinshi ári úshinshi jylǵa saraptama júrgiziledi. Al qarjy resýrstary tapshylyǵynyń qazirgi jaǵdaıynda bul nysandardyń qamtylýy úlken máselege aınalyp otyr. Osy oraıda sarapshylar arasynda bul máseleni talqylap, birjyldyq bıýdjetke qaıta oralýdy usynyp otyrmyn», - dedi Esep komıtetiniń basshysy.

Onyń paıymynsha, bul turǵyda tıisti sheshim qabyldansa, biraz mamandy basqa jumystarǵa baǵyttaýǵa múmkin bolar edi.

«Sonymen qatar bıýdjet shyǵystaryna qatysty sapaly ári tıimdi pysyqtaýǵa jol ashylady. Atap aıtqanda, birjyldyq bıýdjetti ýaqytsha engizý kerek shyǵar. Al jaǵdaı turaqtansa, úshjyldyq bıýdjetke qaı oralýǵa bolar edi», - dedi Natalıa Godýnova.

Budan buryn habarlanǵandaı, Esep komıteti bıýdjetti josparlaýdyń úshjyldyq júıesinen bas tartýdy usyndy.