Nasymjan Ospanova Astananyń bilim salasynda sapany qamtamasyz etý departamentiniń basshysy boldy
ASTANA. KAZINFORM — Nasymjan Ospanova rotatsııa tártibimen Astana qalasynyń bilim salasynda sapany qamtamasyz etý departamentiniń basshysy bolyp taǵaıyndaldy. Ol Oqý-aǵartý mınıstrliginiń aýmaqtyq departamentin basqaryp, mınıstrlik júıesindegi qyzmetin jalǵastyrady.
Oqý-aǵartý mınıstri Juldyz Súleımenova Nasymjan Ospanova balalardyń quqyqtary men zańdy múddelerin qorǵaýǵa qosqan úlesi úshin rızashylyǵyn bildirip, jańa qyzmetine tabys tiledi.
Nasymjan Ospanova eńbek jolyn óndiristik oqytý sheberi bolyp bastaǵan. Oqytýshy, dırektordyń orynbasary jáne kolledj basshysy qyzmetterin atqarǵan. 2017 jyldan bastap Bilim jáne ǵylym mınıstrliginiń Tehnıkalyq jáne kásiptik bilim departamentin, al 2022 jylǵy qazannan bastap Oqý-aǵartý mınıstrliginiń Balalardyń quqyqtaryn qorǵaý komıtetin basqardy.
Jańa qyzmetinde Nasymjan Jambekqyzy elordadaǵy bilim sapasyn qamtamasyz etý jáne bilim berý protsesine qatysýshylardyń quqyqtaryn saqtaý baǵytyndaǵy jumysyn jalǵastyrady.
