Nashar joldar: Astanada taǵy 3 avtobýs júrý kestesin ózgertti
NUR-SULTAN. QazAqparat – Nur-Sultan qalasynda jol jabynynyń nashar bolýyna baılanysty taǵy 3 avtobýs júrý baǵytyn ózgertti, dep habarlaıdy QazAqparat CTS kompanııasyna silteme jasap.
«Jol jóndeý jumystary aıaqtalǵanǵa deıin, № 34, 46, 9 baǵdarlardyń qozǵalys syzbasy ýaqytsha ózgerdi», - delingen búgin kompanııa taratqan habarlamada.
Avtobýstardyń jańa qozǵalys syzbasymen CTS-tiń áleýmettik jelidegi paraqshasynda tanysýǵa bolady.
Sondaı-aq málim etilgendeı, 4 sáýirden bastap qala mańyna qatynaıtyn № 319 baǵdardyń júrý kestesine de ózgertýler engizildi.
Buǵan deıin habarlaǵanymyzdaı, elordada joldar qalpyna keltirilgenge deıin 16 avtobýstyń júrý baǵyty ózgertilgen bolatyn. Bir baǵdar qyzmet kórsetýin toqtatty.
