Nashaqorlyqpen kúresý úshin qoǵam bolyp birige atsalýymyz kerek - polıtsııa maıory

onyń 630-y - kámelet jasqa tolmaǵandar. Jalpy esepke alynǵandardyń 6210-y - qan tamyry arqyly qabyldaıtyndar. Bul týraly búgin Almatyda nashaqorlyqpen kúres aılyǵy aıasynda "Qoǵamdyq jáne oıyn-saýyq mekemelerinde esirtki taralýynyń aldyn alýdy uıymdastyrý" taqyrybynda ótken semınarda Almaty qalasy ІІD-niń esirtkimen kúres basqarmasynyń polıtsııa maıory Erbol Ábdireshov málim etti.

Onyń aıtýynsha, ótken jyly esirtki shamadan tys artyq paıdalanǵan 35 adam kóz jumsa, bıylǵy jyly 31 adam osy keselden o dúnıelik boldy. «Osyndaı jaǵdaılar oryn alyp jatqandyqtan, sondaı-aq tez elikkish keletin jastar arasynda esirtkiniń taralýynyń aldyn alý úshin búgingi semınardy ótkizýdemiz. Esirtki bıznesimen kúres árqashan bizdiń, quqyq qorǵaý organdarynyń basym baǵyttarynyń qatarynda, óıtkeni bul tasymaldanatyn esirtkiniń tranzıttik baǵyty Almaty qalasy arqyly ótýimen de baılanysty ekeni belgili. Bizdiń maqsatymyz - esirtkige tosqaýyl qoıyp, qylmystyq toptardy quryqtaý ǵana emes, jastar arasynda aqparattyq-nasıhattyq jumystar júrgizý, salaýatty ómir saltyna shaqyrý, zııandylyǵyn túsindirý, qaýipti dert ekendigin jetkizý. Óıtkeni, esirtkiniń taralýy men qoldanylýy jaǵdaıy jasóspirimderdiń, kámelet jasqa tolmaǵandardyń ómirine úlken qaýip tóndirýde. Al, túngi klýb kóbine jastar arasynda taralý oshaqtyń biri bolyp sanalǵandyqtan, árdaıym reıdter ótip turady. Osy sharalardyń arqasynda búgingi kúni taralýdyń joldary kesilýde», dedi polıtsııa maıory Erbol Ábdireshov.

Ol sonymen qatar «maýsymnyń 26-y kúni, Astana alańynan Ortalyq saıabaqqa deıin, Halyqaralyq esirtki bıznesi jáne nashaqorlyqpen kúres kúnine oraı, jastar sherýi ótetindigin jetkizdi. «Onyń maqsaty - Almatyny esirtkisiz qala jasaý», dedi ol.

Erbol Ábdreshovtyń pikirinshe, Almatyny esirtkisiz qala jasaý úshin qoǵam, halyq bolyp birige atsalysý kerek.