Nashaqorlyqqa qarsy kúreste tyıym salýmen jáne jazalaýlarmen eshteńe sheshilmeıdi - Jantemir Baımuhamedov
ALMATY. 3 qazan. QazAqparat /Erlik Erjanuly/ - Nashaqorlyqqa qarsy kúreste úgit-nasıhat jumystarynyń mańyzy zor. Ony "Shýchý" fılminiń rejısseri Jantemir Baımuhamedov búgin Almatyda ótkizgen baspasóz máslıhatynda aıtty.
"Nashaqorlyqqa qarsy kúreste eń aldymen marıhýana men kúshti esirtkilerdiń arasyn ajyratý kerek. Óıtkeni kásibı nashaqorlardyń áńgimesi oń men solyn áli tanyp bolmaǵan jasóspirimder úshin jyldam áser etedi. Bul túk te áser etpeıdi bir ret shegip kórshi degen sózge senip marıhýanany alǵash shegip kórgender kúshti degen mynaý bolsa dep esirtkiniń ózge túrlerin de kórýge qyzyǵady. Olardyń búkil ómirin keıde marıhýana tuqylynyń ózi kúl-talǵan etedi", - deıdi 90 jyldardaǵy Almatynyń tynys-tirshiligin óz fılmine arqaý etken J.Baımuhamedov. Onyń aıtýynsha, qylmys pen jaza máselesi "Shýchý" fılminde kóteriletin kókeıkesti máseleniń biri bolyp otyr. Jalpy qazir respýblıkada dekrınımınatsııalaý úderisi júrip jatyr. Bul onyń tamyryna balta shegýde áli jetkiliksiz. Endi barlyq kúsh-jigerdi úgit-nasıhat jumysyna jumyldyrý qajet. Máselen, esirtkiniń zııandylyǵyn gollandyqtar kishkentaı kezinen bastap bilip ósedi. Onda "strıptız shoý" tamashalaý men esirtkiniń býyna mastaný tek sheteldik saıahatshylardyń ermegi. Al jergilikti halyq arasynda nashaqorlar múlde joq dese bolady.
