Nashaqorlyq, esirtki saýdasy, AQTQ jáne JQTB máseleleriniń jazylýy jóninde semınar ótip jatyr
ALMATY. Qazannyń 29-y. QazAqparat /Ádilet Musahaev/ - Búgin Almaty qalalyq salaýatty ómir saltyn qalyptastyrý ortalyǵy BUU nusqaýyna sáıkes, nashaqorlyq, esirtki saýdasy, AQTQ jáne JQTB máseleleriniń jazylýy jóninde jas jýrnalıster arasynda semınar-trenıng ótkizip jatyr,
dep habarlaıdy QazAqparat.
Osymen tórtinshi ret ótip otyrǵan shara barysynda osy taqyryp jóninde jazyp júrgen jas jýrnalısterge arnap Almaty qalasy ІІD-niń esirtki jáne esirtki saýdasymen kúres basqarmasynyń nashaqorlyq jaıyndaǵy habarlamasy tyńdalynyp, Almaty qalalyq AQTQ-ǵa qarsy kúres ortalyǵynyń «AQTQ men JQTB-nyń medıtsınalyq aspektileri» atty baǵdarlamasy tanystyrylýda.
«Jýrnalıster úshin kez-kelgen taqyryptyń mańyzy zor, degenmen ár máseleniń áleýmettik mańyzy bar ekeni daýsyz. Búgingi qoǵam úshin mańyzdy másele bop otyrǵan esirtki saýdasy, nashaqorlyq, AQTQ jáne JQTB dertine ushyraǵan jandar týraly jazǵanda jýrnalıstik jaýapkershilikpen birge adamgershilik qaǵıdalaryn ustaný, túsinistik óte mańyzdy. Óıtkeni, ár máseleniń artynda bir adamnyń ǵana emes, otbasynyń da taǵdyry turǵanyn eskerý qajet. Sondyqtan bizdiń ortalyq osy shara arqyly jýrnalıstermen oı-pikir almasýdy jón kórdi», deıdi atalmysh ortalyqtyń dırektory Gúlsara Súleımenova.
