Nashaqorlyq pen esirtki bıznesine qarsy kúres jónindegi keshendi jospar qabyldandy — Erlan Qarın
ASTANA. KAZINFORM — 2023 jyly Nashaqorlyqqa jáne esirtki bıznesine qarsy kúres jónindegi 2023–2025 jyldarǵa arnalǵan keshendi jospar qabyldandy. Atap óterligi, 2016 jyldan beri mundaı jospar bolǵan emes. Bul týraly Memlekettik keńesshi Erlan Qarın jazdy.
Osylaısha, nashaqorlyqtyń taralýyna qarsy kúres jumysy jandana tústi.
Keshendi jospardy júzege asyrý kezeńinde naqty nátıjege qol jetkizildi:
• 50,4 tonna esirtki jáne 105,2 tonna prekýrsor tárkilendi;
• 25 uıymdasqan qylmystyq top, onyń ishinde 4 transulttyq top joıyldy;
• 71 esirtki zerthanasynyń qyzmeti toqtatyldy;
• esirtki saýdasymen aınalysatyn 6 myń saıt buǵattaldy;
• esirtki taratýshylardyń 2,5 mlrd teńgeden astam somasy bar 44 myńnan asa bank kartasy buǵattaldy.
— Qazir 2026–2028 jyldarǵa arnalǵan jańa keshendi jospar ázirlenip jatyr. Prezıdent janyndaǵy Jastar saıasaty jónindegi keńestiń músheleri atalǵan jobany talqylady, — dep jazdy ol.
• Qujat jobasy qoldanystaǵy 2023–2025 jyldarǵa arnalǵan Keshendi jospardy iske asyrý tájirıbesi negizinde ázirlenip jatyr;
• Jańa jospar áldeqaıda aýqymdyraq — 109 tarmaqtan turady (qoldanystaǵy josparda — 77 tarmaq);
• Nashaqorlyqtyń aldyn alý máselelerine aıryqsha kóńil bólingen;
• Jańa tehnologııalar engiziledi (esirtki taratýshylardyń jelilik belsendiligin shekteý úshin JI-di paıdalaný, elektrondy tranzaktsııalardy baqylaý jáne t. b.).
— Dese de, problema áli de ózekti bolyp otyr. Sondyqtan qoǵamda esirtkige degen túbegeıli teris kózqaras qalyptastyrý, jasampaz qundylyqtardy ilgeriletý, zań men tártip qaǵıdatyn ornyqtyrý nashaqorlyqqa qarsy kúrestiń basty sharty bolyp qala beredi. Qaýipsizdik keńesiniń tamyzda ótken otyrysynda Memleket basshysy nashaqorlyqtyń taralýyn tómendetý úshin eriktiler men jastar uıymdaryn tarta otyryp, keshendi sharalar qabyldaýdy tapsyrdy, — delingen jazbada.
Qyrkúıekte respýblıkalyq jastar uıymdarynyń kóshbasshylary jastar arasyndaǵy nashaqorlyqqa qarsy kúres júrgizý úshin birlesken memorandýmǵa qol qoıdy.
Aıta keteıik, elimizde bir aptada 750 keliden astam esirtki tárkilendi.