Nashaqorlar tutynatyn dárihanadaǵy preparattar satylymyn baqylaýǵa alý kerek — ІІM

ASTANA. KAZINFORM - Premer-mınıstr Oljas Bektenov QR Úkimeti janyndaǵy quqyq buzýshylyqtardyń aldyn alý jónindegi vedomstvoaralyq komıssııanyń otyrysyn ótkizgeni belgili. Osy jıynda tutynýshylarǵa nashaqorlyqqa táeldi etetinine qaramastan, dárihanadalarda erkin satylatyn preparattardy qatań baqylaýǵa alý máselesvi sóz boldy. bul týraly QR ІІM baspasóz qyzmeti málim etti.

— Quqyqbuzýshylyqtardyń aldyn alý jónindegi vedomstvoaralyq komıssııanyń otyrysynda ІІM «dárihanalyq» nashaqorlyq máselesine nazar aýdardy. Qazirgi ýaqytta áseri kúshti preparattardy satýda tolyqqandy baqylaý júıesi joq. Bul óz kezeginde esirtkige táýeldilikke jáne qylmysqa tartylýǵa áser etedi, — delingen habarlamada.

Keshendi jospar aıasynda Densaýlyq saqtaý mınıstrligi dárilik zattardy satyp-alýlardy baqylaý boıynsha normalar ázirleýi tıis.

Otyrys barysynda ІІM bul jumysty barynsha qysqa merzimde aıaqtaýdy usyndy.

Eske sala keteıik, buǵan deıin Mańǵystaýda kúshti áseri bar preparattardy ruqsatsyz satqan dárihanashylar ustalǵan bolatyn. Jedel-izdestirý sharalary barysynda dárihanashylar men tyıym salynǵan preparattardy satyp alǵan 3 turǵyn ustalǵan edi.  Dárihana ishinen 150 dana ALIS (Pregabalın) jáne 48 quty Tropıkamıd preparaty tabylyp, tárkilengen. Bul dárilik zattar nashaqorlar jıi qoldanatyn preparattarǵa jatatynyn anyqtalǵan bolatyn.  Dárihana qyzmetkerleri bul dárilerdiń retseptsiz, nashaqorlarǵa satý úshin daıyndalǵanyn aıtqan.