NASCAR-dyń úsh dúrkin chempıony qarsylasyn qaǵyp óltirdi - VIDEO
ASTANA. QazAqparat - NASCAR dodasynyń úsh dúrkin chempıony Tonı Stıýart Nıý-Iorkte ótken jarys kezinde qaıǵyly oqıǵaǵa tap boldy, dep jazady sheteldik BAQ.
Jarys jolynda kele jatqan Kevın Ýord esimdi sportshy mingen kólik qarsylastarynyń birimen qaqtyǵysyp, joldyń jıegine shyǵyp qalady. Osydan soń sportshy áldenege narazy bolyp, joldyń ortasyna qaraı júgirip shyǵady. Ony baıqamaı qalǵan Tonı Stıýart kóligimen qaǵyp ketedi.
Japa shegýshi dereý jaqyn mańdaǵy aýrýhanaǵa jetkizildi, biraq jaraqatynyń aýyrlyǵynan ol jan tapsyrdy.
Nıý-Iork shtaty Ontarıo okrýgynyń polıtsııasy bul jaǵdaıdy tergeýdi óz moınyna aldy, alaıda okrýgtik polıtsııa basshysy Felıpp Povero oqıǵanyń qylmystyq is retinde qaralmaıtynyn aıtty.
