NASA juldyzaralyq nysan 3I/ATLAS-tyń sýretterin tikeleı efırde kórsetedi

ASTANA. KAZINFORM — Bul kometa — astronomdardyń baqylaý júrgize bastaǵannan beri ashqan úshinshi juldyzaralyq dene, dep habarlaıdy TASS aqparat agenttigi. 

AQSh Ulttyq aeronavtıka jáne ǵarysh keńistigin zertteý basqarmasy (NASA) 19 qarashada ótetin ashyq baspasóz máslıhatynda 3I/ATLAS juldyzaralyq kometasynyń jańa sýretterin usynady.

— NASA tikeleı efırdi 19 qarasha, sársenbi kúni shyǵys ýaqytymen saǵat 15:00–de ótkizip, agenttiktiń mıssııalary kezinde jınaǵan 3I/ATLAS juldyzaralyq kometasynyń sýretterimen bólisedi, — delingen agenttik saıtynda jarııalanǵan málimdemede.

Tikeleı kórsetilim Astana ýaqyty boıynsha 20 qarashada saǵat 1:00–de bastalady. 

3I/ATLAS — astronomdar baqylaý júrgize bastaǵannan beri ashqan úshinshi juldyzaralyq dene. Olardyń birinshisi 2017 jyldyń kúzinde ashylǵan Oýmýamýa asteroıdy, al ekinshisi — 2019 jyldyń tamyzynda reseılik astronom Gennadıı Borısov ashqan 2I/Borısov kometasy boldy.

3I/ATLAS kometasynyń Kúnge eń jaqyn orbıta núktesi — perıgelııden 29 qazanda ótti.

Astronomdar bul nysan bizdiń Kún júıesine tıesili emes, kerisinshe basqa juldyz júıelerinen ushty jáne astronomdar baqylaý tarıhynda ashqan úshinshi juldyzaralyq nysan dep sanaıdy. 

Buǵan deıin Tramp NASA basshysy laýazymyna mıllıarder Aızekmandy qaıta usynǵanyn jazǵan bolatynbyz.

Kazinform úshin arnaıy TASS seriktes agenttigi usyndy.