NASA tirshilik izderin izdeý maqsatynda Sholpan planetasyna zond jibermek

VAShINGTON. NUR-SULTAN. QazAqparat – NASA ǵarysh agenttigi usynylǵan tórt mıssııanyń ishinen ekeýin maquldaýy múmkin. Onyń ishinde Sholpan planetasy da bar. Ǵalymdardyń aıtýynsha, bul planetadan tirshilik izderin anyqtaýǵa múmkindik bar, dep habarlaıdy QazAqparat Reuters-ke silteme jasap.

Halyqaralyq zertteýshiler toby Sholpannyń qyshqyldy bulttarynda bolýy múmkin mıkrobtar jaıly aıtty. Oǵan dálel – fosfınniń qaldyqtary (jerdiń ottegi joq ortasynda bakterııalar shyǵaratyn gaz). Mundaı derek tirshiliktiń planetamyzdan tys jerde de bar ekendiginiń mysaly bola alady. Aqpan aıynda ǵarysh agenttigi usynylǵan 4 mıssııany tańdady, olar qazirgi ýaqytta qarastyrylýda. Eki mıssııa Sholpan planetasyna avtomatty zondtardy jiberýdi qarastyrady. Olardyń biri DAVINCI+ dep atalady jáne ol Sholpan planetasynyń atmosferasyn zertteıdi.

Devıd Grınspýn – DAVINCI+ mıssııasymen jumys isteıtin astrobıolog Davinci mıssııasy Veneranyń atmosferasyn ishinen qarap, onda ne bolyp jatqanyn bilýge múmkindik beretinin aıtty. Qalǵan úsh usynysqa IVO – ıÝpıterdiń Io janartaý spýtnıgine barý mıssııasy; Trident – Neptýnnyń eń úlken spýtnıgi Trıtondy aınala ushý jáne VERITAS mıssııasy – geologııalyq tarıhty zertteý úshin Veneraǵa barý usynylǵan ekinshi mıssııa. NASA bir nemese eki mıssııa maquldanýy múmkin ekenin atap ótti.

Sondaı-aq, osy ýaqytqa deıin Kún júıesindegi tirshilik izderin tabý áreketterinde Sholpan planetasy qarastyrylmaǵany aıtyldy. Osy jyldyń shildesinde NASA Mars planetasynda yqtımal tirshiliktiń izderin tabý úshin jańa býyn planetasyn iske qosty delingen.

NASA ákimshisi Djım Braıdenstaın Sholpanǵa nazar aýdaratyn ýaqyt keldi deıdi. Ol sondaı-aq mıssııalardy irikteý protsesi adal jáne ádil ótetinine senim bildirdi.