NASA spýtnıgi Amazonııa ústinde aýanyń birden qurǵap ketkenin tirkedi
NUR-SULTAN. QazAqparat – Sońǵy 20 jylda Amazonka basseıniniń ústinde atmosferanyń tómengi qabatyndaǵy sýdyń mólsheri adamnyń kesirinen birden tómendep ketken. Buǵan NASA klımattyq spýtnıginiń derekteri dálel bola alady. Sonyń saldarynan álemdegi eń úlken tropıkalyq ormandardyń aýmaǵy birden qysqarýy múmkin, dep habarlaıdy NASA Reaktıvti qozǵalys zerthanasynyń (JPL) baspasóz qyzmetinen.
Ekologtardyń aǵymdaǵy baǵalaýy boıynsha, amazondyq tropıkalyq ormandar 5,5 mln sharshy shaqyrymdy alyp jatyr. Olar jerdegi barlyq tiri aǵzalarda saqtalǵan kómirtektiń shamamen 10% quraıdy jáne jyl saıyn óndiriletin bıomassanyń osyndaı mólsherine ıe. Sonymen qatar, olar fotosıntetıkalyq aǵzalardyń Jer betine shyǵaratyn jalpy otteginiń 6% quraıdy.
Zertteýshiler sońǵy jyldardaǵy kórsetkishterge baılanysty amazon ormandarynyń taǵdyryna alańdaýly.
Bir jaǵynan, ǵalymdar sońǵy jyldary Amazonııadaǵy orman kesý qarqynynyń ósip kele jatqandyǵyna alańdaýshylyq bildire bastady. Sonymen qatar, klımatologtardyń esepteýleri kórsetip otyrǵandaı, Ońtústik Amerıkanyń ekvatorlyq jáne tropıkalyq ormandary aldaǵy onjyldyqtarda jaýyn-shashynnyń azaıýyna jáne temperatýranyń kóterilýine baılanysty turaqsyz bolady. Bul olardyń kelesi ǵasyrdyń basynda tolyqtaı joıylýyna ákelip soqtyrýy múmkin.
