NASA «Orıon» kapsýlasyn synaqtan sátti ótkizdi
VAShINGTON. QazAqparat – AQSh-tyń NASA ǵarysh agenttigi Aıdyń orbıtasynda 26 kúndik mıssııadan keıin «Orıon» kapsýlasynyń jańa býynyn synaqtan ótkizýdi aıaqtady, dep habarlaıdy QazAqparat BBC News agenttigine silteme jasap.
Ekıpajsyz testilik ǵarysh kemesi Tynyq muhıtyna Meksıkanyń Gvadelýpa aralyna jaqyn jerge sátti qondy.
Aı orbıtasynan qaıtyp kele jatyp, ǵarysh kemesi óte joǵary jyldamdyqpen shamamen 40 myń km/saǵ-pen ushty.
Atmosferamen baılanysta bolǵan kezde ǵarysh kemesiniń qaptamasy Tselsıı boıynsha 3 myń gradýsqa jetti.
Ashylǵan 11 kapsýla parashıýti «Orıonnyń» jylý qalqany jaqsy jumys istegenin kórsetedi.
NASA ókilderi jeksenbide «Orıonnyń» Jerge oralýyn birinshi kezektegi mindet dep atady.
Bul 2024 jyldyń sońynda bastalatyn jáne aı betine saıahatty qamtıtyn kúrdeli mıssııalardy bastaıdy.
Sońǵy ret mundaı sapardy 50 jyl buryn «Apollon-17» ekıpajy jasaǵan. Agenttiktiń jańa jobasy grek mıfologııasyndaǵy Apollonnyń ápkesiniń qurmetine «Artemıda» dep ataldy.
NASA ákimshisi Bıll Nelson ǵarysh agenttigi Aıǵa oralyp, sodan keıin ǵaryshqa zertteý júrgizý úshin sapar shegetinin habarlady.
Agenttik 2030 jyldardyń sońynda astronavtardy Marsqa ushyrýdy josparlap otyr.
Foto: Nasa
