NASA men Google Marsty úıde otyryp zertteýge bolatyn karta jasady

ASTANA. QazAqparat - NASA jáne Google ókilderi Qyzyl ǵalamshardyń vırtýaldyq kartasyn jarııalady. Endi ınternetke qosylǵan árbir adam úıinen shyqpaı-aq Mars betiniń 225 mıllıon shaqyrymyn zertteı alady, dep habarlaıdy QazAqparat.

Jańa karta arqyly Marstyń taý-tasynda «serýendep», janartaýlary men shatqaldaryn tamashalaýǵa bolady. Kóptegen sýretter ınfraqyzyl spektrde bolǵandyqtan, ǵalamshardyń temperatýra kartasyn baıqaýǵa bolady.

Jýrnalısterdiń aıtýynsha, Google Mars - Qyzyl ǵalamshardyń meılinshe dál sýretterinen qurastyrylǵan. Oǵan spýtnıkterden túsirilgen sýretter paıdalanylǵan.