NASA Marsqa tikushaqtar jiberedi
ASTANA. QazAqparat - AQSh-tyń ulttyq aeroǵaryshtyq agenttigi Marsqa baratyn quraldardyń ornyna paıdalaný josparlanyp otyrǵan shaǵyn tikushaqtardy testileýge kiristi, dep jazady Daily Mail gazeti.
Ǵalymdar qyzyl ǵalamshardy tikushaqtardyń kómegimen zertteý jyldamdyǵyn birneshe ese arttyrýdy josparlap otyr. Bir aıda Marstyń betimen shamamen 400 metr qashyqtyqty eńsere alatyn apparattarǵa qaraǵanda bul tikushaqtar kúnine jarty shaqyrym júre alady. Bul rette olar tik órler men tereń quzdar sııaqty bógelisterden ońaı óte alady.
Apparattyń tirek aıaqtarda tekshe korpýsy bolady. Ústinde rotor ornalasady. Tikushaqtyń salmaǵy shamamen bir kelini quraıdy. Rotor qalaǵynyń aýqymy - shamamen 1,1 metr.
Korpýsyna kún batareıasy ornatylǵan. Apparat kúnine eki-úsh mınýt qana usha alady. Óıtkeni ár ushýdan soń ony qýattandyrý qajet.
