NASA qazaqstandyqtardy ǵaryshqa alǵashqy adamnyń ushýynyń 60 jyldyq mereıtoıymen quttyqtady

NUR-SULTAN. QazAqparat – NASA-nyń 13-shi ákimshisi Djım Braıdenstaın qazaqstandyqtardy ǵaryshqa alǵashqy adamnyń ushýynyń 60 jyldyq mereıtoıymen quttyqtady, dep habarlaıdy QazAqparat QR ІІM baspasóz qyzmetiniń Telegram paraqshasyna silteme jasap.

«Qazaqstan halqyn osyndaı mańyzdy tarıhı kúnmen quttyqtaımyn! Men NASA ákimshisi Djım Braıdenstaınmyn. 60 jyl buryn álem Qazaqstanda Baıqońyrdan ǵaryshqa alǵashqy adamnyń ushýyn baqylady. Sońǵy 60 jylda kóp nárse ózgerdi. Búgingi kúni biz Halyqaralyq ǵarysh stansasynda (HǴS) álem boıynsha barlyq eldermen áriptespiz. HǴS-da barlyǵy Baıqońyrdyń adamdardy ǵaryshqa jiberýdegi orny týraly biledi. Sol sebepti biz Qazaqstan halqyna osyndaı mańyzdy mıssııanyń bólshegi bolǵany úshin alǵys aıtamyz, sonymen qatar tarıhı kúnmen quttyqtaımyz», - delingen vıdeoquttyqtaýda.