NASA qazaqstandyq ǵalymdardy Halyqaralyq ǵarysh stansasyndaǵy ǵylymı jobalarǵa qatysýǵa shaqyrdy

ASTANA. QazAqparat - QR Ulttyq ǵarysh agenttiginde «Qazǵarysh» jáne Aeronavtıka men ǵarysh keńistigin zertteý boıynsha ulttyq basqarma (NASA) ókilderiniń arasynda kezdesý ótti, dep habarlaıdy agenttiktiń baspasóz qyzmetinen.

Atalǵan is-sharaǵa AQSh elinen Reseıdegi NASA basqarylatyn ǵaryshtyq ushyrýlar baǵdarlamasynyń dırektory Shon M.Fýller, Qazaqstan tarapynan QR QR Ulttyq ǵarysh agenttiginiń qaramaǵyndaǵy uıymdardyń ókilderi qatysty.

Kezdesý barysynda NASA ókili qazaqstandyq ǵalymdarǵa Halyqaralyq ǵarysh stansasynda (HǴS) júzege asyrylatyn ǵylymı jobalarǵa, sonyń ishinde ǵaryshtyń adam aǵzasyna yqpalyn zertteý, Jerdi qashyqtyqtan zondtaý boıynsha, sonymen qatar basqa da ózara tıimdi ǵylymı jobalarǵa qatysýdy usyndy.

Talqylaý nátıjeleri boıynsha taraptar yntymaqtastyqtyń basymdyqty baǵyttaryn jete qarastyrý týraly nıetterin bildirip, sondaı-aq «Qazǵarysh» ókilderiniń NASA qyzmetimen tanysý jáne yntymaqtastyqtyń naqty máselelerin pysyqtaý úshin Djonson ǵarysh ortalyǵyna (Tehas shtaty, AQSh) jumys saparymen barýy jóninde ýaǵdalastyq jasasty.