NASA Halyqaralyq ǵarysh stansasynyń júk tasyǵysh modýline órt qoımaq
ASTANA. QazAqparat - NASA ǵarysh agenttigi ǵaryshtaǵy iri órttiń sıpattaryn anyqtaý úshin orbıtada Halyqaralyq ǵarysh stantsııasynyń (HǴS) júk tasyǵysh modýline órt qoıyp, tájirıbe jasap kórmek, dep habarlandy agenttiktiń resmı saıtynda.
Jobaǵa Saffire degen ataý berildi.
HǴS modýli 23 naýryzda ushyrylmaq, ol ǵaryshkerlerge kezekti júkti jetkizgen soń jospar boıynsha otqa oranýy tıis. Modýl órttiń barlyq sıpattaryn ólsheıtin qurylǵylarmen jabdyqtalǵan. ıAǵnı, ottyń temperatýrasy, jaıylý jyldamdyǵy, kólemi ólshenedi.
Jobanyń bas menedjeri Saffire Garrı Raf bul ǵaryshta qoldan jasalǵan eń úlken órt bolatynyn jáne ony zertteý ǵarysh kemelerinde órt bolǵan jaǵdaıda daıyn bolý úshin óte qajet ekenin aıtty.
Ǵalymdar kapsýla Jer atmosferasyna engen sátte tolyqtaı joıylatynyn málim etti.
