NASA Gavaı araldarynda Marsqa arnalǵan parashıýtti synaqtan ótkizedi
ASTANA. QazAqparat - Seısenbi kúni Kaýaı aralynda Marsqa aýyr júk túsirý úshin qoldanylatyn parashıýt synaqtan ótedi, dep jazady RIA Novostı.
Buǵan deıin biraz ýaqyt boıy apparattar Marsqa ádettegi parashıýttiń kómegimen qonyp kelgen. Endi jaı apparat qana emes, quramynda astronavtar men basqa da qurylǵylar bar aýyr júkterdi túsirý úshin burynǵydan myqtyraq parashıýt qoldanylmaqshy. Bul ońaı sharýa emes, óıtkeni Marstyń aýa qysymy jerge qaraǵanda tómenirek. Ondaı jaǵdaıda zattyń qulaý jyldamdyǵy áldeqaıda joǵary bolady.
NASA mamandary marstyq parashıýtti bıikten tastap kórmek. Bul óz kezeginde qatty jyldamdyq alýǵa múmkindik berip, Marstaǵydaı jaǵdaı týdyrýǵa, sondaǵy jyldamdyqqa uqsatýǵa múmkindik beredi. Synaqty ótkizýshiler qulaý jyldamdyǵyn dybys jyldamdyǵy kórsetkishine jetkizýdi maqsat etip otyr. Apparatta vıdeokamera ornatylyp, apparattyń búkil qulaý sátinen translıatsııa jasalady. Bul kórsetilimdi ınternet arqyly tamashalaýǵa bolady.
Injenerler alǵashqy synaq sátsiz aıaqtalady degen boljam jasap otyr.
Apparatty belgilengen 36,6 kılometr bıiktikke kóterý úshin gelıı toltyrylǵan shar qoldanylady.
