NASA: Ǵasyr sońynda ozon tesigi bitelýi múmkin
ASTANA. QazAqparat - NASA habarlamasynda ozon qabaty birtindep qalpyna kele bastaǵany aıtylady. Qazirgi ýaqytta alańy 12 mln. sharshy mıl bolatyn ozon tesigi aldaǵy 30 jyl ishinde 8 mln. sharshy mılge kishireıedi, ǵasyr sońynda múldem joq bolyp ketýi múmkin.
Jer atmosferasyndaǵy ozon qabaty barsha tirshilik ıesin joıyp jibere alatyn Kúnniń ýltrakúlgin sáýlesinen qorǵaıdy, dep jazady Ýtro.rý. Gaz-freondar, ónerkásiptik qaldyqtar kesirinen ótken ǵasyrdyń ekinshi jartysynda ozon qabaty buzyla bastady. Saldarynan 1980 jyldary Antraktıdada orasan úlken ozon tesigi paıda boldy.
1987 jyly ozon qabatyn quratyn zattar jaıyndaǵy halyqaralyq Monreal hattamasyna qol qoıdy. Ol eki jyldan keıin kúshine endi. Sodan bastap atmosferaǵa freon qaldyǵyn shyǵarý azaıa bastady.
