NASA ǵaryshtaǵy jumbaq nysandardyń jańa klasyn anyqtady
ASTANA. KAZINFORM — NASA-nyń «Chandra» rentgen observatorııasynyń kómegimen ǵalymdar buǵan deıin baıqalmaǵan qasıetterge ıe ǵarysh nysandarynyń jańa klasyn anyqtady. Bul týraly NASA agenttigi habarlady.
Zertteýshiler 6 galaktıkadan, onyń ishinde Andromeda jáne «Dóńgelek» galaktıkalarynan gıperjumsaq rentgen kózderi dep atalatyn 84 nysandy anyqtady. Bul nysandar energııasy ádetten tys tómen rentgen sáýlesin shyǵarady. Sonymen qatar olardan ýltrakúlgin sáýle qarqyndy taralady.
— Buǵan deıin dál osyndaı sıpatta áreket etetin nysandar tobyn kezdestirgen emespiz, — dedi zertteý jetekshisi, Alabama ýnıversıtetiniń ǵalymy Mustafa Mýhıbýlla.
Ǵalymdar ázirge anyqtalǵan nysandardyń tabıǵatyn naqtylaı alǵan joq.
Eske sala keteıik, buǵan deıin NASA qarańǵy materııa men ekzoǵalamsharlardy zertteıtin jańa teleskopty ushyratyny týraly habarlaǵan bolatynbyz.
