NASA dybystan jyldam ushatyn jolaýshylar ushaǵyn jasaıdy
ASTANA. QazAqparat - Amerıkanyń aeroǵarysh agenttigi dybystan jyldam ushatyn ushaq nusqasyn ázirleýge 20 mln dollar qarjy bóldi. Oǵan dybys kedergisinen óter shaqta qatty tarsyl shyqpaýy kerek degen talap qoıyldy. ushaqtyń jańa nusqasyn Lockheed Martin kompanııasy ázirleıdi, joba 17 aıda daıyn bolady dep kútilýde.
Joba boıynsha jasalatyn ushaq dybys kedergisinen ótkende qatty tarsyl shyqpaýy tıis. NASA osy dybys effektisiniń jolaýshylarǵa qatty estilmeýine mán berýde. Eger joba sátti iske asyrylsa áýe jolaýshy tasymalynyń jańa dáýiri bastalmaq.
Amerıka ǵarysh agenttiginiń baǵdarlamasy boıynsha osyndaı jyldam ári dybyssyz ushaq 2020 jyly daıyn bolady, dep jazady popsci.com saıty.
Eske sala ketsek, qazirgi ýaqytta jolaýshy ushaqtarynyń dybystan jyldam ushýyna birqatar eldiń áýe keńistiginde tyıym salynǵan, onyń ishinde AQSh-ta bar.
