NASA óz derekqorynan Jerge jaqyndap kele jatqan asteroıd týraly aqparatty óshirdi
ASTANA. KAZINFORM — Reseıdiń ortalyǵynda jarqyraǵan bolıd týraly habardan keıin kóp uzamaı, NASA málimetter bazasynan jáne Eýropalyq ǵarysh agenttiginiń aınalarynan 2025 US6 asteroıdynyń traektorııasy men sıpattamalary týraly aqparat joǵalyp ketti. Bul týraly Reseı ǵylym akademııasynyń ǴZI Kún astronomııasy zerthanasy habarlady.
NASA buryn jalpyǵa qoljetimdi bolǵan 2025 US6 asteroıdy týraly derekke shekteý qoıdy. Onyń orbıtasy men parametrleri týraly aqparat Earth Close Encounter derekqorynan jáne Jet Propulsion Laboratory (JPL) katalogynan joıylǵan.
28 qazan kúni tańǵa deıin 2025 US6 týraly aqparat jalpyǵa qoljetimdi boldy. Búgin dıametri eki metrge jýyq aspan denesi Jerden shamamen 150 000 shaqyrym qashyqtyqta ótedi dep boljanǵan.
Derekter NASA saıtynda ǵana emes, Eýropalyq ǵarysh agenttiginiń aına saıttarynda da joq. Nysan týraly aqparaty bar bettiń kóshirmesi bir kún buryn jańartylǵan ıAndeks keshinde saqtalǵan, biraq odan keıingi siltemeler ashylmaıdy.
Qazir 2025 US6 asteroıdy Reseıdiń ortalyǵyndaǵy qazirgi bolıdti baqylaýmen baılanysty yqtımal nysan retinde qarastyrylyp jatyr. Onyń katalogtan joıylý sebepteri ázirge belgisiz.
Aıta keteıik, NASA 2035 jylǵa qaraı Aı betinde adam turatyn aýyl salmaqshy.