NASA aıǵa qaýip tóndiretin asteroıdqa ıadrolyq soqqy bermekshi
ASTANA. KAZINFORM — Halyqaralyq ǵalymdar toby, sonyń ishinde NASA mamandary 7 jyldan keıin aımen soqtyǵysýy múmkin 2024 YR4 asteroıdyn joıý úshin ıadrolyq qarý qoldanýdy usyndy, dep habarlaıdy Report.
2024 YR4 asteroıdy 2024 jyly tabyldy. Bastapqyda onyń jerge soǵý yqtımaldyǵy shamamen 3% dep esepteldi. Keıin bul qaýip joqqa shyǵaryldy. Degenmen, ǵalymdar 2032 jyldyń aıaǵynda aıǵa áser etýi shamamen 4% ekenin eskertedi.
— Ǵalymdar 2024 YR4 aımen soqtyǵysýynyń aldyn alýdyń eki nusqasyn usyndy. Birinshisi — asteroıdtyń orbıtasyn ózgertý bolsa, ekinshisi — ıadrolyq qarýmen aspan denesin joıý. Sońǵy nusqa úshin bir megatonnalyq ıadrolyq bomba jetkilikti, — delingen aqparatta.
Komanda asteroıd týraly túpkilikti sheshimdi 2028 jyldyń sońynda, ol jerge jaqyndaǵannan keıin usynady.
Buǵan deıin NASA adamdardy Marsqa qashan jiberetinin málimdedi.