NASA Aıda Mars úshin turǵyn úı modýlin synaqtan ótkizbek
ASTANA. QazAqparat - NASA amerıkandyq ǵarysh agenttigi turǵyn úı modýliniń qurylysy úshin $55 mln bóldi. Ony 2018 jyly qoldanysqa berý josparlanǵan. Nysandy synaý Aı betinde bolady dep kútilýde, dep habarlady rosbalt.ru.
Ǵarysh modýli jaqyn arada planetaaralyq ushýǵa arnalǵan ǵarysh kemesi korpýsynyń bóligi bolmaq. Nysan úrlengen bolýy yqtımal.
Buryn habarlanǵandaı, NASA mamandary Marsta alǵashqy kolonııany shamamen 20 jyldan keıin - 2050 jylǵa qaraı salýdy josparlady. Buǵan deıin Qyzyl planetaǵa únemi kemelerdi ushyrýdy oń jolǵa qoıý kerek.
Marsta birinshi shaǵyn germetıkalyq jol talǵamaıtyndar bolady dep kútilýde. Keıin kún elektrostansasy ornatylady. Onda astrobıologııalyq zerthana, gıdropondy ferma men qoıma bolýy múmkin. Barlyq nysandar bir keshenge biriktiriledi. Sońǵy kezeńde zertteýshilerge arnalǵan turǵyn úı modýlderin qurastyrý kózdelgen.
