NASA Aıda eń iri jańa kraterdi anyqtady
ASTANA. KAZINFORM — AQSh-tyń NASA ǵarysh agenttigi Aıdyń betinde Kún júıesinde jaqynda paıda bolǵan eń iri kraterdi anyqtady, dep habarlaıdy RIA Novostı.
Agenttik kraterdi 2025 jyly Lunar Reconnaissance Orbiter ǵarysh apparaty túsirgen sýretter arqyly anyqtaǵan.
— Qoldanystaǵy modelderge sáıkes, bul — Kún júıesinde anyqtalǵan keıingi kezeńde paıda bolǵan soqqy kraterleriniń ishindegi eń irisi. Mundaı oqıǵa shamamen 132 jylda bir ret bolady, — dep jazylǵan Science Advances maqalasynda.
NASA málimetinshe, 2024 jyldyń kókteminde Aıdyń betine kólemi 3-6 qabatty ǵımarattaı bolatyn asteroıd nemese kometa soǵylǵan. Soqqydan dıametri 222 metr, tereńdigi shamamen 42 metr bolatyn krater paıda bolǵan.
Ǵarysh agenttiginiń habarlaýynsha, jańa kraterge ǵalym Tomas MakGetchınniń qurmetine McGetchin ataýy berilgen.
Buǵan deıin NASA bıyl Aıǵa úsh pılotsyz mıssııa josparlap otyrǵany týraly jazǵan bolatynbyz.
