NASA asteroıdqa kez kelgen adamnyń jasaǵan óner týyndysyn attandyrmaq

ASTANA. QazAqparat - AQSh-tyń ǵarysh mekemesi asteroıdqa óner týyndylaryn jiberýdi qolǵa alyp otyr, ol úshin kez kelgen adamnyń salǵan sýreti, jasaǵan músini nemese fotografııasy tańdalynyp alynady, dep habarlaıdy álemdik BAQ.

NASA asteroıdqa kez kelgen adamnyń jasaǵan óner týyndysyn attandyrmaq

NASA qyrkúıekte Benný asteroıdyna «Osırıs-Reks» apparatyn attandyrmaqshy. «Apparat asteroıdtyń topyraǵyn alyp, ony zertteý úshin jerge jetkizýi kerek», - deıdi NASA mamandary.

Sapar barasynda jerden onda óner týyndylary jetkiziledi. Olardyń aıtýyna qaraǵanda, adamzattyń ǵarysh keńistigin zertteýge umtylysyn beıneleıtin joba «kóptegen adamdarǵa kórkem óner týyndylaryn jasaýyna shabyt berýi tıis».

«Biz búkil álemdi osy qyzyqty saparǵa qosylyp, ǵylymı apparattyń bortyna alynyp ǵaryshqa jiberililetin óz jumystaryn daıyndaýǵa shaqyramyz», - deıdi Arızona shtaty ýnıversıtetinen «Osırıs- Reks» baǵdarlamasyna qatysýshy Dante Loretta.

NASA-nyń osy joba boıynsha ótkiziletin aıyryqsha kórmesinde kez kelgen janrdaǵy jumystardy kórgisi keletindigin aıtyp otyr, onyń ishinde óleńder, ánder jáne qysqa vıdeolardy da qamtylady. Olar ǵarysh kemesine sandyq nusqada jazylyp jiberiledi. Týyndylar 20 naýryzdan bastap qabyldanady.