NASA asteroıd qulaǵan jaǵdaıda tolyqtaı joıylatyn elderdi atady
ASTANA. QazAqparat - NASA astronomdary asteroıd qulaǵannan keıin jer betinen qaı eldiń joıylyp ketýi múmkin ekendigin anyqtady.
"WISE" teleskobynyń kómegimen ǵalymdar 47 myńǵa jýyq iri asteroıdttardy zerttedi. Olardyń 107-si bizdiń ǵalamsharǵa qaýipti ekeni anyqtaldy. Mamandar ǵarysh denesiniń biri qulaǵan jaǵdaıda, Jerde jer silkinisi oryn alyp, janartaýlar atqylaıdy dep boljaýda.
Budan basqa, astronomdar asteroıdtiń qulaýy yqtımal degen 10 eldiń tizimin usyndy, dep habarlady "Mır novosteı" portaly.
Qaýip AQSh, Brazılııa, Nıgerııa, Qytaı, Japonııa, Úndistan, Italııa sııaqty iri jaǵalaýy bar elderge tónip tur. Araldyq memleketterden Japonııa, Indonezııa, Ulybrıtanııa, Fıllıpıny kóp zardap shegetin kórinedi.
Asteroıdtardyń qulaýy saldarynan sý tasqyny, tsýnamı, tornado oryn alyp, keıbir elder tolyqtaı joıylyp ketýi múmkin deıdi ǵalymdar.
